Mommy Fiona and Mommita Esmeralda
Dismayado sila sa mga nangyari ngayong gabi. Dahil sa mapanibughong damdamin ay pati ang walang kamuwang-muwang na si Jayana ay nasaktan nila dahil sa mga litrato at pang bubuyo ni Scarlet. Hindi nila pinalaki ang anak na gumawa ng kwento upang mapasama ang ibang tao.
“Anak…” Mahinang tawag ni Mommy Fiona kay Scarlet. “Ayoko na maulit ang ganitong insidente.” Kaswal niyang sabi. “Hindi maganda na sirain mo ang relasyon ni Jayana sa atin dahil kinakain ka ng selos. Anak, malaki ka na! Alam mo na ang tama sa mali kaya sana sa susunod matuto kang mag-isip kung anong kahihinatnan ng mga bagay na iyong ginagawa.”
“Mommy, hi-hindi naman iyon ang intensyon ko. Pinoprotektahan ko lang kayo.”
“Sa sobrang laki ng tiwala namin sayo Scarlet, napaniwala mo kami sa
