Biglang nagbago ang mood ni Alvea ng buksan niya ang box, naging seryoso at nawala ang inis. Dito ay nakita niya ang mga sinulat niya nung nasa ibang bansa pa siya, para ito kay Nero. Mga panahong malungkot siya, nangungulila at kailangan niya ang binata, gumawa siya ng liham noon na sana ay ipapadala niya sa binata sa pilipinas. Ngunit hindi niya magawa dahil ayaw niyang paasahin ang binata na babalik pa siya kung sakali na magbago ang kanyang isip. Inipon niya ito at itinabi, itinatak sa isip niya na kapag nagbalik siya sa pilipinas at nakita niyang nagtagumpay ang binata sa mga pangarap nito ay ibibigay niya ang mga liham kay Nero. Ngunit ngayon na nakita niya ang buhay ni Nero na parang wala pa rin pagbabago mula ng umalis siya kaya naman naisip niyang itapon na lang ang mga ito.
Pin
