"Oh? Ba't nakagayak ka?"
Napabaling ako kay Mama ng tingin bago nagpatuloy sa pagsuot ng jacket. Binaba niya naman ang gamot at isang basong tubig na dala niya, nag-aalala ang mukha habang lumalapit sa akin.
"Jayson, saan ka na naman pupunta? Hindi mo ba narinig ang sinabi ng Doctor mo? Kailangan mong magpahinga," nag-aalala at mabagal niyang saad.
"Hindi ako mapakali, ma. I need to see her," sagot ko.
"See her?" malalim niyang tanong saka ako pinagpapalo sa braso.
"Not her, ma!" sigaw ko habang lumalayo. "Lisa," panlilinaw ko. "Gusto ko siyang makita."
"Naaalala mo na ba siya?" Bumalik sa dati ang mukha niya, parang lumiwanag ito at sinundan-sundan na ko.
Hindi ako makasagot. Hindi ko pa kasi siya naaalala pero gusto kong makasigurado na hindi ako maiisahan ng Robi na 'yon. Hangg
