"Boss."
Mabilis kong binawal sina Austin at Uno, minostrahan ko silang 'wag mag-ingay at tinuro si Lisa na natutulog sa maliit na couch na nasa tabi ko. Madaling araw ko siyang naramdaman na nandito na at palihim na pumalit kay Kassandra.
"Anong balita?" mahina kong tanong nang makalapit sila. "Nasundan niyo ba siya ulit?"
"Boss, tama ka. Nandoon nga ulit siya sa lugar na 'yon. May video kami dito na pwede nating gamitin laban sa kanila," sagot ni Uno sabay abot ng hawak niyang tablet sa akin.
Minostrahan ko siya na bigyan ako ng earphone. Ayokong magising si Lisa, kahit na dapat ay siya itong gising at binabantayan ako.
"Magkakasunod 'yan, boss."
Tumango lang ako at ngumuso paturo sa ibang upuan sa loob ng kwarto ko. Tahimik akong nanuod. Naniningkit ang mga mata ko habang pinapanuo
