Pakiramdam ko isang ginto akong nagniningning na pinahahalagahan ni Liam, alam niyo bang todo siya nakaalalay sa akin paglabas ng hospital at ngayon ay binigyan niya ako ng tubig at maraming prutas kahit busog pa naman ako. Ang sarap pagmasdan na ganito siya mag-asikaso pero nangunguna ang guilty sa akin sa tuwing maaalala ko si Eva.
“Liam, calm down,” sinuway ni Mrs. hudson ang anak habang may natatawang aura na nakasunod sa bawat galaw nito.
Lahat sila ay nakangiti habang pinagmamasdan ang kilos ni Liam na normally hindi makikita sa kanya, masyado siyang seryoso at walang pakialam ‘nung una pero ngayon mas nakikilala ko siya bilang isang lalaking maalaga.
“Ipagbalat mo na lang ako ng mangga, gusto ko ‘yung maasim ah!” utos ko sa kanya na agad rin siyang sumunod.
“Masaya akong tam
