Khloe Amelia's POV
"Neandro, Neandro, Neandro..."
Mahina kong tinatapik ang braso niya habang ginigising ko siya. Dito nga talaga kami natulog at tig isa kaming folding bed.
"Neandro, bangon na." Umiling ito sa akin at itinaas pa niya ang kumot para magtalukbong.
Napatayo ako mula sa pagkakalahuhod sa gilid ng folding bed niya dahil mukhang wala pa rin siyang gana. Humakbang ako palabas ng pavilion at napapikit dahil sa sinag ng araw na tumatama sa mga mata ko.
Sumalubong pa ang masarap na simoy ng hangin sa balat ko na kinangiti ko. Ang aninag ng araw sa mukha ko ay biglang nawala kaya dahan-dahan kong iminulat ang mga mata ko.
Isang malaking anino ng lalaking nakasakay sa kabayo.
"Sinamahan mo talaga ang asungot kong kapatid dito?"
Napaayos agad ako ng tay
