Khloe Amelia's POV
"Oh hawakan mong maigi 'yang bag para hindi matapon ang sabaw na ginawa ko para kay señorito Hades."
Tumango naman ako manang at sinara na ang bag kung saan nakalagay ang mga pagkain na dadalhin namin sa ospital. Katatapos ko lang maligo at suot-suot ko ang jogging pants na itim at yellow t-shirt habang nakalugay ang basa kong mahabang buhok.
"Si Mister Hariente ba, dumalaw na sa anak niya?" mahinang saad sa akin ni Manang at napatingin pa sa paligid namin.
Maki-chismis ba naman daw sa akin. Ayoko na ngang makialam sa away ng pamilya nila at gusto ko na lang na maayos silang lahat.
"Bakit niyo po natanong?" tanong ko kay Manang at lumapit sa double door na ref ng mga Aceves.
Naglabas ako ng tatlong mineral water at naglakad pabalik sa kitchen isla
