Akmang kakagatin muli ni Archie ang aking leeg nang mula sa may pintuan ay may sumigaw. “Mga duwag! Ako ang hrapin ninyo!”
Biglang nahinto si Archie sa kanyang ginawa at nilingon niya ang pinanggalingan ng boses.
May tuwa naman akong nadarama sa aking narinig. “Si Jerome!” ang sigaw ng utak ko, Ngunit nang nilingon ko kung sino ang matapang na sumigaw na iyon, nakita ko si Marco, iyong unang estudyanteng nakilala ko sa campus at tinulungan ako sa enrolment. Nabugbog din siya ng grupo ni Archie. At sa pagkakataong iyon ay kinabahan ako sa tapang na ipinakita niya. Natakot ako na baka mabugbog uli siya.
Binitiwan ako ni Archie at ng mga kasama niya. Hinarap nila si Marco. “Anong sabi mo? Duwag? Hindi nga kami takot sa boyfriend nito...” turo niya sa akin, “Sa iyo pa?”
Nagtawanan ang da
