“Tara na…” ang sambit ni Tyler sabay hawak niya sa aking kamay at puwersahang hinila ako palayo sa lugar kung saan ginanap ang seremonya ng kasal.
“Alam mo ba ito?” ang galit na tanong ko. “Matagal mo na bang alam ito? Kaya pala doubtful ka kay Jerome para sa akin dahil alam mo ang lahat ‘di ba? Tama ba ako, Tyler? Niloko niyo lang ako???”
“’Tol… nagkamali ka.” Hinila niya ako. “Dito tayo mag-uusap. Magpaliwanag ako.”
Sumunod ako sa kanya. Umupo kami sa isang sementong bangko malayo-layo sa lugar kung saan nakatayo sina Jerome at ang bride niya. “Hindi ko alam ito ‘Tol at wala akong alam. Cross my heart. Kung alam ko lang ito ay hindi na sana kita dinala rito. Hindi kita niloko. Maniwala ka. Hindi kita kayang lokohin…”
Medyo nahimasmasan ako sa sinabing iyon ni Tyler. Ngunit hindi pa
