"Hestia, what do you think sa dalawang kulay na 'to? ano ang mas bagay sa akin?" tanong ni Catalina kay Hestia habang hawak ng dalawang sales lady ang formal dress na nais niyang bilhin.
Napatingin si Hestia sa dalawang damit. Tila pinag-iisipan kung ano ang mas maganda sa dalawa, kahit pa na pareho naman na maganda at mamahalin iyon sa kaniyang paningin. Kaya inisip niya na kung magkakaroon siya ng idea sa pupuntahan ni Madame Catalina ay siguro mas maganda. "Ma'am, kung ayos lang po magtanong? ano po ba ang okasyon na pupuntahan ninyo?" Napataas ang kilay ng Madam kaya hindi niya alam kung natuwa ba ito o inisip na pakielamera siya. "Umm.. kasi po ano, I think po mas makakapag-bigay po ako ng idea kung alin ang mas magandang suotin niyo kapag nalaman ko po kung anong klaseng okasyon an
