Abrianna Macey Nam's POV:
"Sit," mahinang sabi ni August sa akin pagkahila n'ya ng upuan para sa akin.
Umupo na lang ako at tumabi s'ya sa akin. Iba ang table namin. Pahaba ito hindi katulad ng mga bisita lang na pabilog. May puting tela ito na sapin at may disensyo na kulay gold. May mga maliliit na flower vase din. Kasama namin sa table ni August si Miss Marie, Sir Alex, at mga mayroon ng edad. Mukhang matagal nang kaibigan at katrabaho sila ni Sir Albert.
Kakatapos lang ng speech ni August at ngayon ay busy ang lahat para makipag-kwentuhan. Kanina ko pa sinusubukang hanapin sila Tita Jisella at Ickey pero hindi ko sila makita. Nasaan kaya sila?
"Sa pinakadulo at gilid ko sila pinapwesto," bulong ni August sa akin.
Napakunot ang noo ko at napatingin sa kan'ya. Ngumiti lang s'ya
