Abrianna Macey Nam's POV:
Naalimpungatan ako nang marinig kong may tumutunog. Parang alarm clock ito. Sa pagkakaalala ko ay wala naman akong sinet na alarm clock.
Dumilat ako para hanapin ang alarm clock at humikab. Nang makita ko ang ceiling at ang hindi pamilyar na ilaw dito ay napakunot ang noo ko.
"Hmm."
Nanlaki ang mga mata ko nang makarinig pa ako ng boses ng lalaki sa gilid ko. Napalunok ako. Hindi lang ito basta-basta lalaki. Si August ito.
Dahan-dahan akong lumingon sa katabi ko sa kanan at napakurap nang makita ang natutulog at maaliwalas na mukha n'ya. Parang anghel ito. Kitang kita ko ang matangos n'yang ilong at mahahabang pilikmata. Medyo gulo-gulo din ang buhok n'ya.
Habang pinagmamasdan s'ya ay may bigla akong naalala kagabi. Mas lalong nanlaki ang mata ko at bi
