Abrianna Macey Amber's POV:
"Kumapit ka sa'kin."
Nagulat ako nang hilahin ako ni August palapit sa kan'ya. Kinuha n'ya ang kamay ko at hinawak sa braso n'ya. Agad akong napaiwas ng tingin.
"Nanonood sila," mahinang paalala n'ya.
Huminga ako ng malalim. Ramdam kong nakatingin sa amin ang ibang tao sa loob ng kwarto na papasukan namin. Kaya mo 'to, Abrianna. Kailangan mo 'to gawin. Isipin mong mga istatwa lang sila kahit malinaw namang hindi.
Pagkatapos ko makahinga ng malalim ay tumingin ako kay August tapos ay ngumiti. "Okay," sagot ko.
"Tch." Nag-iwas s'ya ng tingin sa akin at naglakad na kami papasok.
Nakita kong nakuha na namin ang atensyon ng lahat at nagpalakpakan sila. Ginala ko ang paningin ko at nakitang napakaganda dito sa loob. Puting puti ang pader at kisame. Maramin
