Abrianna Macey Nam's POV:
Naalimpungatan ako nang maramdaman ang sinag ng araw sa mukha ko. Dinilat ko ang mga mata ko at nakita ang puting kisame at malaki na pa-square na ilaw. Napakunot ang noo ko at ginala ang paningin.
Ngayon ko lang naalala na nasa resort nga pala ako ni August. Napatingin ako sa kabilang side ko at nakitang wala naman dito si August kaya nakahinga ako ng maluwag. Tinaas ko ang kamay ko at nakitang nakasuot ako ng longsleeve na silk. Pangtulog ito.
Napakurap ako. Bakit hindi ko maalala na nagpalit ako ng damit kagabi? Ang naaalala ko lang ay ang nagsuot ako ng swimsuit na one piece at kasama ko sila Juvia pati na rin si Yale. Nagsasayaw kami nun at uminom at...
Agad akong napaupo sa kama at agad rin na sumakit ang ulo ko kaya napapikit ako at napahawak dito.
