EPISODE 7
BRIGANTIA
NICHOLAS’ POINT OF VIEW.
“Sino si Dark king?”
Napatingin sa akin si Tatiana at nakita kong seryoso ang kanyang eksprisyon habang nakatingin sa akin. Bago lang kami natapos mag-usap ni Ariadne at mabilis lang ito dahil may balita na namang dumating sa kanya at narinig kong sinakop ng mga Ravenian ang isa sa mga villages na sakop ng kaharian ng Avalon.
Ang alam ko lang ay ang Ravenia ay isa sa mga kaharian dito sa mundo ng Adalan. Ang mga lahi nila ay gumagamit ng dark magic at sila rin ang gumagawa ng gulo sa mundong ito kaya marami ring ibang kaharian ang ayaw sa kanila.
“Ang dark king ay ang dating hari ng Ravenia at hindi siya namamatay,” sagot ni Tatiana sa aking tanong.
“Anong ibig mong sabihin sa hindi siya namamatay?”
“Tinapos na ng dating reyna ang Dark
