الفصل السادس(6)

1766 Words

الفصل السادس ظلت تتقلب بين زراعيه وهي غافيه تنتفض بقوه وتتعرق بغزاره مما ايقظه وهوينظر لها بأندهاش ليل: سيلا سيلا مالك يا حبيبتي سيلا فوقي لتفزع من نومتها وهي تصرخ بشده ليل:بس اهدي دا كابوس انتي كنتي بتحلمي سيلا:الدم دم كتير لاء الدم ليل:اهدي يا حبيبتي دم ايه بس مافيش دم ولا حاجه انتي في حضني اهو لتحتضنه بشده وتتكور في حضنه سيلا:ماتسبنيش بلاش تبعد عني تاني خليني معاك مش عايزه اقعد هنا ليل:حاضر يا حبيبتي عمري ماهسيبك ابدا بس خدي اشربي شوية مايه امسكت منه كوب الماء وبدأت تشرب منه ثم اعطته له مره ثانيه وبدأت تستعد للنوم مره تانيه ليل: انتي هتنامي طب انتي مش هاتقوليلي حلمتي بأيه سيلا:لاء مش عايزه اتكلم عايزه انام خدني في حضنك ونام انت كمان ليل بتنهيده: نوم ايه بقي دا انتي راعبتيني عليكي نامي يا حبيبتي وانا هافضل صاحي لحد ما اطمن عليكي ظل مستند بظهره علي الوساده اخذاها بين احضانه يملس علي ذراعها حتي ذهبت في النوم مره ثانيه الي ان انشقت من بين الستائر غلأل الشمس الذهبيه ارقدها علي وسادتها وذهب الي الشرفه يجلس فيها مر عليه بعض الوقت وهو جالس علي الارجوحه في تلك الشرفه مغمض العينين لا يشعر بأي شيء حوله ليشعر بهاتجلس علي قدمه وتلقي برأسها علي ص*ره اغلق يده حولها بأحكام ليل:ايه اللي صحاكي بدري كده تاني بس سيلا:قلقت لما مش لقيتك جنبي ليل:بس كده هتبردي تعالي ندخل جوه احسن سيلا:لاء خلينا قاعدين هنا شويه الجو هنا حلو اوي وصوت العصافير في الجنينه حلو اوي ليل:طب هاتفضلي زعلانه كده كتير سيلاوهي تقبله من عنقه انا زعلانه عشان مش عارفه اسعدك اذاي رقدت بجانبه واضعه رأسها علي قدمه وهو يعبث بأصابعه في خصلات شعرها ليل:عارفه يا حبيبتي تسعديني اذاي انك ترجعي تاني ماتحكيش لحد اي حاجه تخصنا ترجعي تاني انا وانتي نبقي سر بعض ولما تحبي تتكلمي يبقي مع ليل حبيبك وبس سيلا:بس انا مش بتكلم غير مع سجي ولارا دول اخواتي عايزني ابقي من غير ام واخوات كمان ليل:اهي سجي دي بالذات مش عايزك تحكيلها حاجه تخصنا ولا تسمعي منها اصلا هي مش اصغر من لارا ب٣ سنين بس سوسه كده ومسيطره عليكي بصراحه سيلا: دي طيبه خالص وبتحبنا ليل:علي فكره دي بنت عمي وانا اعرفها اكتر منك مش معقول هاقولك ابعدي عنها بس عشان خاطري ماتحكيش ليها ادق تفصيلنا سيلا: بس انا مش بحكي يعني عن كل حاجه ليل:لاء يا شيخه انتي ماشوفتيش نفسك امبارح قبل مايجو كنتي عامله ازاي وبعد ما مشيو جريتي بسرعه وعملتي ايه وكمية الخوف اللي كنتي فيها وانتي نايمه سيلا:طب ممكن اطلب منك طلب ليل:اامريني حبيبتي سيلا:مش عايزه افضل لوحدي خدني معاك الشركه او وديني عند جدو ليل:انتي كنتي في الشركه امبارح وانا لسه بقولك مش عايز حد منهم يأثر عليكي تقوليلي اروح عند جدو مانتي هاتقعدي معاهم طبعا نهضت من علي الارجوحه واتجهت للداخل وهي تهمس بكلام يسمعه جيدا سيلا:يووووه يعني هافضل لوحدي انا مش عايزه اقعد لوحدي انا ترجل خلفها وهو مبتسم علي صغيرته وجدها رقدت في فراشهما مره ثانيه وتدثر نفسها جيدا رقد بجانبها فأدرات وجهها للجهه الاخري عنه حاوط خصرها بيديه وقربها منه ليل:سيلا سيلا:همممم ليل:انتي خايفه تقعدي لوحدك عشان الكابوس اللي شوفتيه سيلاوهي تدير له وجهها :ليل بلاش تفكرني بيه خليني في حضنك علطول بس بدء يلتصق بها ويهمس في اذناها ليل:مش عايزك تخافي من اي حاجه طول مانتي معايا انا امانك وحمايتك ياحبيبتي سيلا:مش عارفه ليه ديما في حاجه بتخوفني عليك او اني ماقدرش اسعدك ليل وهو يمطرها بقبلاته الرقيقه:انتي عارفه الحاجه الوحيده اللي تسعدني ومع ذلك م**مه تسمعي كلامهم هما وتحرميني منها.. سيلا:خايفه معرفش اتحمل مسؤليه ذي دي او اتعب في الحمل مثلا واشيلك همي وهم حملي وولادتي ليل:الله ياقلبي والله دا هيبقي احلي هم بس انتي فرحيني واشيله بين ايدي وانا ذي ماكنت اب ليكي زمان هاكون ليه هو كمان ها قولي موافقه يا روحي واوعديني انك تبطلي البرشام سيلا:يعني الحمل مش هيبقي تقيل عليك و تقولي انا مش فاضي وتعبان وتبعد عني ليل:دانا مش هبقي فاضي غير ليكي انتي وبس مين بقي اللي دخل في مخك الكلام ده سيلا: بصراحه سجي ولارا هما ديما بيقوللي انتي لوحدك في الغربه ومش هتلاقي حد يراعيكي عشان مامتك مش معاكي وهتبقي حمل تقيل علي ليل ليل:وهو يحتضنها بتملك عمرك ماتبقي ابدا حمل تقيل عليا عشان كده بقولك ماتخليهمش يأثرو عليكي انا قولتلك قبل كده العيله كلها في كفه وانا وانتي في كفه تانيه لوحدنا ها قوليلي بقي موافقه ولا ايه سيلا بتفكير:اممم افكر ليل وهو يعتليها:انتي لسه هاتفكري ????? اما في القصر كان يجلس علي طاولة الطعام في انتظار حضور الباقين ليتناولو طعام الافطار دخل عليه سامر القادم من الخارج سامر:صباح الخير ياجدي ايه لسه باقي الشعب محدش منهم صحي ولا ايه الجد:عمك تقريبا مانمش طول الليل قاعد في الجنينه الخلفيه مش عارف ماله وابوك في اوضة المكتب وجاي وساره والباقين نازلين سامر: طب وعمي ايه اللي قالقه كده انا هاروح اشوفه الجد:تفتكر انا ماكنتش اقدر اعمل كده بس سيبه لوحده اما نشوف هيتكلم مع مين فينا دخل زياد عليهم زياد:صباح الخير ايه دكتور لسه راجع من المستشفي ولا ايه سامر:صباح الخير يابابا ايوه لسه جاي كنت بايت هناك عشان عملت عمليه باليل و**لت ارجع زياد:امممم هو سليم لسه مادخلش من الجنينه ياحج ولا إيه الجد:انت كمان عارف انه قاعد هناك زياد:بايت فيها من امبارح ودي اول مره يعملها سألته وهو نازل باليل مالك قالي مافيش عايز اقعد لوحدي شويه الجد:انا سمعته وهو بيكلم ابنه وبيقولو اول ماترجع ابقي تعالي عايز اتكلم معاك سامر:طب هاروح اشوفه ليكون نام الجد:اقعد يا سامر عمك صاحي مش نايم دخلت لارا عليهم وهي تحمل طفلها لارا :صباح الخير عليكو حمدلله علي السلامه يا حبيبي سامر:الله يسلمك يا حبيبتي اهلا بحبيب بابي لارا:الله اومال فين بابي زياد بمكر:تعالي يا حبيبتي اقعدي دلوقتي هيجي هوو مامتك لارا:انا كنت عند مامي في الجناح بتاعها وقالتلي انها تعبانه ومش قادره تقوم من السرير شكلها داخل عليها دور برد وبابي مش كان موجود فوق لينتبه الجد لما تحدثت به وينظر الي ولده ثم الي باب الغرفه الذي دخل منه سليم وجلس علي مقعده بهدوء تام سليم:صباح الخير الجميع : صباح الخير الجد:انت كنت بره ولا ايه سليم وهو ينظر في الطبق اللي امامه:اه صحيت بدري قولت اقعد في الهوي شويه زياد:لا يا راجل طيب علي راحتك الجد:في ايه ياسليم ايه اللي مطير النوم من عينك ومسهرك من امبارح في الجنينه نظرت لارا الي ابيها نظرة اندهاش ورجاء بألا يتحدث دخلت ساره عليهم بوجه مقفهر ساره:صباح الخير الجميع صباح الخير ساره:حمدلله علي السلامه يا سامر كويس انك جيت عشان تشوف اختك دي بقي انا زهقت والله من دلعها ده زياد:مالها سجي ياساره في ايه ساره:من الصبح وانا عماله اتحايل عليها عشان تقوم تاكل وهي اللي عليها سيبني مش قادره انزل تحت الجد:طب سبيها براحتها يا حبيبتي يمكن الحمل مأثر عليها وعايزه تنام سامر:خلاص يا ماما هافطر واطلع اطمن عليها اكملو فطورهم في **ت ثم توجه كل واحد الي مقصده بينما توجه سليم الي جناحه وداخل الجناح سليم:اخرجي بره الجناح ده مش عايز اشوفك طول مانا موجود فيه ليلي:انت بتقول ايه ياسليم خلاص كرهتني ومش عايز تشوفني سليم:قولتلك اطلعي بره ايوه مش عايز اشوفك مش عايز اشوف الشيطانه الي ظاهره قدامي دي انتي واحده معرفهاش ليلي ببكاء: انتو السبب انتو اللي خليتونا نفكر كده اشمعني ابني الوحيد اللي يبقي اقل واحد فيهم اشمعني هو اللي ميبقاش ملكه حاجه وليل ياخد كل حاجه وبعد كده يشاركه تاني في باقي الميراث ليجذب شعرها في يده بشده وهو يوجهها بغضب سليم:مافيش فايده فيكي برضو بتعيدي كلامك ده ادامي تاني لأخر مره هاقولهلاك يا مدام انتي الوحيده الغريبه في البيت ده وانتي برضو الوحيده اللي مالكيش حق تتكلمي في الموضوع ده ثم قذفها من يده بقسوه لتسقط علي آلأرض بقوه كل هذا كان امام عينه وهو متجه الي ابيه ليعلم ماكن يخبئه داخله ولكن صوت صراخ والدته افزعه مما جعله يفتح الباب بقوه ويدخل دون استئذان امير:امي جري عليها وهو مندهش من معاملة والده لها فهو لأول مره يراه غاضب الي هذا الحد سليم:خدها من هنا مش عايز اشوفها قدامي وارجعلي انا عايز اتكلم معاك امير بغضب:مهما كان اللي امي عملته دا ميداكش الحق انك تمد ايدك عليها ثم اوقفها واخذها تحت ذراعه واتجه خارج الغرفه الي جناحه دلفو الي الجناح وجدو سجي جالسه منتظراه وطفلها علي يدها ولكنها شهقت عندما رأت وجهها. سجي:ايه ده مالك يا أنطي ارقدها في فراشه ودثرها جيدا ونظرت هي الي تلك اللعينه نظره تعلمها جيدا فعلمت انه يجب ان يرسمو دور الضعفاء امامه ليلي:شوفتي يا سجي عمك فهمنا غلط ازاي وبيحملني انا الغلط دلوقتي بقيت غريبه وسطكو وانا الوحيده اللي ماليش حق اتكلم او ادافع عن ابني سجي:ماتقوليش كده يا حبيبتي انتي طول عمرك زيك زي مامي في البيت ده امير بغضب:ممكن افهم ايه اللي بيحصل ليلي بدموع:انا هفهمك يا حبيبي بس مش عايزاك تزعل من بابك امبارح انا كنت قاعده مع مراتك وكنا بنتكلم سوي والكلام جاب بعضه عن ان جدك مفرق ما بينكو وكاتب لليل وسيلا نصف الميراث وكمان ابوك كل ما يتكلم يقول انا هامسك سامر المستشفي يعني كل واحد فيهم يبقي في حاجه مكتوبه بأسمه ويرجعو بعد كده يقسمو معاك تاني في بقيت الورث الي فاضل اتفجئنا بيه داخل علينا اتاريه كان واقف بيسمعنا وفهم الكلام غلط سجي: وقعد يزعق ليا وشد انطي ليلي جامد واخدها علي جناحهم ليلي بمكر ودموع التماسيح:مش بس كده ده لأول مره في حياتي سليم يمد ايده عليا تخيل يا امير بابك ض*بني بالقلم امبارح ليقف امير بغضب ويتجه الي الخارج فتح الباب بقوه وعينه كالجمر الاحمر وجده جالس علي المقعد في انتظاره امير بغضب وهو يغلق الباب من خلفه: انا عايز اعرف سبب واحد يد*ك الحق انك تمد ايدك عليها بعد العمر ده كله سليم:لحقت تحكيلك اقعد واوعي تفكر ترفع صوتك عليا تاني واسمع الهانم هي ومراتك المحترمه بيخططو لايه امير:انت كمان خليتهم بقو يخططو انا مش شايف فيها حاجه يعني ام وخايفه علي ابنها شايفه ان هو الوحيد اللي حقه ضايع في البيت ده شايفه ان ابوه بيفكر يأمن مستقبل ولاد عمه قبل مستقبله سليم: ياه يا امير يعني قالتلك وصدقتها كمان مين قالك ان احنا بنفرق بينكو انا لما قولت هامسك سامر المستشفي ده لأنه دكتور ومعناه اني هاخليه يديرها لكن ماقولتش اني هاكتبها ليه زي مالهانم فاكره لأن ببساطه المستشفي والشركات اللي عمك بيدرها بأسم جدك امير:واشمعني ليل وسيلا يورثو الجزء الاكبر من الميراث واحنا لاء يابابا سيلم:ياغ*ي افهم وماتمشيش ورا كلام الحريم ليل الورث اللي اخده ده كان تعب ابوه قبل ما يموت وهو اللي كبر كل حاجه بعد كده بشغله وورث سيلا اظن انك ماكنتش صغير لما عمك تعب ومات الله يرحمهم هما الاتنين و ليل كان لازم يدير المجموعه هناك بحكم انه كان علطول متواجد هناك وبحكم انه اتجوز سيلا وهو الواصي عليها فكان لازم كل حاجه تبقي بأسمه امير:صدقني يابابا اناماكنتش الاول باصص لأي حاجه بس النهارده لما شوفت قسوتك علي امي احب اقولك ان اللي عملتوه ده حرام ويا تسونا كلنا ببعض وتورثونا كلنا ياتعرفو اننا هنكره بعض اوي ثم تركه مندهش من كلامه وذهب خارج الجناح اللهم إن نمت على ضيق فأيقظني على ف*ج وإن نمت على حزن فأيقظني على فرح وإن نمت على مرض فأيقظني على شفاء وإن نمت على هم أيقظني على فرح بفضل رحمتك يا أرحم الراحمين

Free reading for new users

Scan code to download app

App Store Google Play

Facebookexpand_more