الفصل السادس عشر الخاتمة مر يومان وخرجت سجي وليلي من المستشفي ولكن ساره ابت ان تترك ليلي تذهب الي فيلا والدها المغلقه بمفردها واخذت سجي ولارا معها واندهشو جميعا عندما قررت انها لن تعود الي القصر الا برجوع ليلي معها وهذا ما ازعج زياد جدا جدا زياد بغضب: طب انت طلقت مراتك في لحظة غضب زنب امي انا ايه اتحرم من ساره ربنا يهد*ك يا سليم تعالي نروح نجبهم وتصالح ليلي ساره حالفه ما ترجع من غيرها سليم:الله جري ايه يازياد مالك عامل زي العيل التايه وبيعط عشان امه كده ليه ما كلها يومين وترجع زياد:يابني بقولك م**مه دي ذي ما تكون بتعاقبني انا انت مش شايف البيت عامل اذاي من غيرهم طب بزمتك ليلي مش وحشتك تلجلج سليم في الرد:لاءولا وحشتني ولا نيله انا اصلا مش عايزها. زياد: يادي النيله طيب خلينا بقي قعدين احنا التلاته في وش بعض دا حتي العيال راحو معاهم وابوك مش بيتكلم معاك انا حاسس اني قاعد في صحرا