خرج زياد وهو متمسك بيد امير الغاضب جدا من نفسه ليتوجه سامر بالحديث الي عمه
سامر:مكانش لهم لزمه الكلمتين دول يا عمي
الجد:انت قسيت عليه اوي يا سليم
سليم:كان لازم اقسي عليه اذا كان قلم عمه مافوقهوش يبقي لازم كلامي انا اللي يفوقه
سامر:يا عمي انا مصدقت اني ارجعه عن اللي ملو دماغه بيه تقوم انت تصده بالكلام
سليم:كنت متأكد انك انت اللي اتكلمت معاه وان البيه مش جاي من نفسه
ربنا يكملك بعقلك يابني مع انه هو الكبير انما البيه ظابط العمليات الخاصه مش عارف ياخد قرار صح لوحده
الجد:اي انسان في الدنيا مش معصوم من الخطاء يا سليم ولو هو مشوش ودماغه فيها حاجه احنا لازم نحتويه مش نسيبه للي يلعبو في دماغه ويأثرو عليه
سليم:ماتقلقش يا بابا عمه زمانه بيظبطله دماغه
اما عند زياد بعد ان وضعت الخادمه القهوه علي الطاوله التي امامهم وذهبت
زياد:قولي بقي انت ايه اللي لخبط الدنيا في دماغك كده وخلاك تأزم الامور
