"Anong ginagawa mo dito?"
Biglang nanlamig ang buong katawan ni Wilson nang marinig iyon, hindi kasi nito inaasahan na meron pa palang ibang tao sa opisina ng mga oras na iyon.
Dahan -dahan na lumingon ang binata para tignan kung sino ang taong iyon, at ganoon na lang naramdaman na relief ni Wilson nang makitang si Stefanie pala ang taong iyon.
Nakataas ang kanang kilay ni Stefanie habang hinihintay na humarap sa kanya ang taong nagbubukas ng pinto ng opisina ni Andrew, at ganoon na lang ang gulat nito nang makilala nito si Wilson.
Sa mahigit dalawang linggong pagtatrabaho ni Wilson bilang messenger sa departamento ay kilala na ni Stefanie ang binata.
Nakikita niya kasi na sobrang sipag ng taong ito, at maliban pa doon ay masasabi nitong matapat na tao si Wilson na siyang hinahangaan
