Ilang sandali lang ay nakarating na din ang bangkang sinasakyan ng pamilya Señor Alejandro sa isla. Makikita ang labis na pagkamangha sa mga mukha ng bawat isa sa bangkang iyon.
Madami na sa kanila ang nakapunta sa iba't-ibang parte ng mundo, pero kahit nakarating na sila sa magagandang mga resort ay hindi pa din nila maiwasang humanga sa ganda ng isla.
Sinigurado kasi ni Charles na tanging magagaling na mga tauhan ang gagawa sa island resort na gustong itayo ni Wilson.
Ang mga kinuha nitong mga tao ay ang mga mismong tauhan ni West na siyang nasa likod sa mga maraming sikat na island resort, hindi lang sa Pilipinas, kung hindi na din sa buong mundo.
Binalak ni Charles na maihanay ang island resort na ito sa isa sa pinakamagandang resort sa buong mundo.
Hanggang sa makalapit na sila s
