Late na ng natulog si Kahlen, ngunit kahit ganoon ay maaga pa din itong nagising, nasanay na din kasi ito kahit noon pa, at mahirap na para sa kanya na tanggalin ang bagay na iyon.
Isang malapad na ngiti ang gumuhit sa mga labi ni Kahlen nang bumangon na ito sa kama, ito ang unang araw nito para magsanay sa pamamahala ng kumpanya sa patnubay ni Charles, at dahil sa maaga pa naman ay nagpasaya itong dumiretso na muna sa gym na nasa loob mismo ng penthouse na tinutuluyan nito.
Inabot din marahil ng mahigit isang oras nang matapos ito sa paggi-gym, at nang matapos ito ay mabilisan itong naligo, at nag-ayos ng sarili.
Sandaling pinasadahan ni Kahlen ang reflection sa salamin, at napangiti naman ito sa napansin niyang pagbabago sa sarili.
Nang dahil sa hindi na siya nabababad sa ilalim ng a
