Mararamdaman ang saya, at ligaya sa bayan ng Sta. Monica nang pagkasikat na pagkasikat pa lang ang haring araw, lahat ay hindi na makapaghintay sa mangyayari mamayang hapon.
Ngayong araw kasi magaganap ang pag-iisang dibdib ng nag-iisang anak ng pinakamayaman sa bayang iyon na si Bernard Sales kay Celine Rivera mula sa Sta. Ynez.
Hindi kaila sa mga tao sa lugar na iyon na dating may-asawa ang babae, ngunit hindi alintana iyon sa mga tao sa lugar na iyon, dahil ang mas mahalaga para sa kanila ay maari silang mabahagingan ng grasya mula sa kasal.
Nakagawian kasi sa lugar na iyon na kapag may isang mayamang kinakasal ay umiikot ang bagong kasal sa buong bayan kung saan namimigay sila ng mga pera sa mahirap.
Katulad ng nangyari noong kinasal ang mga magulang ni Bernard na sina Señor Rodri
