Kabanata XI
“Anong nangyari, mare?” iyon ang bungad na tanong ni Perla kay Savannah nang makapasok ang babae sa inuupahan nila.
Nakaupo na siya sa upuan at binabantayan ang anak na natutulog.
Bitbit ni Perla ang mga lutong ulam na ipinabili niya. Diretso naman ito sa mesa at kumuha ng mga platito.
“Kita ko pa ang HB sa mukha mo, namumula ka pa. Pinag-uusapan ka sa tindahan ni Aling Maring. Nakipagkwentuhan lang ako sa karinderya kung anu-ano na pala ang nangyari rito. Hindi raw nakaubra ang posturadong mayaman sa'yo. Sinong mayaman?”
Tumingin siya rito dahil hindi matanggal sa kukote niya ang mga sinabi ni Stanley at Diana sa kanya.
“Yung mag-asawang Satanas na founder ng Illuminati.”
Nganga si Perla sa kanya at waring nag-iisip kung sinong mag-asawang Satanas ang sinasabi ni
