"Nais mo na bang umuwi, gusto mo ihatid na kita?" tanong ni Cedrick kay Janna.
"Okay lang ba na ihatid mo na lang ulit ako sa may palengke? Ako na ang bahalang umuwi samin, kaya ko naman na eh. O-Okay lang ba, baka kasi magalit ang mga magulang ko kapag nakita na may kasama akong lalaki," pakiusap ni Janna dito.
Sana lang ay kagatin nito ang pakiusap niya, kasi kanina pa nito sinasabi na nais nitong ihatid siya sa kanilang bahay, para daw matiyak nito na safe siyang nakauwi. Kailangan na kasi niyang makauwi dahil baka nag-aalala na sina Mother Superyora sa kanya lalo pa at nagkaron ng kumosyon sa palengke, tapos kasama pa niya si Manang Lanie at sigurado nakauwi na ito sa bahay ampunan tapos hindi siya kasama siguradong nag-aalala na ang mga Madre sa kanya.
"Pero Ellaine dapat sa mis
