Napailing nalang ako nagsimulang sundan si Stanley sa veranda. Naabutan ko siyang nakatingin sa labas. Pabalik-balik yung tingin niya sa bahay nila at sa daan sa harap ng bahay namin. Kumunot yung noo ko.
"Anong tinitingnan mo?" tanong ko.
"I'm just thinking," he paused. "Mula saan mo ako tinatanaw?"
Agad nanlaki yung mga mata ko sa tanong niya. Nararamdaman ko ang pag-init ng magkabila kong pisngi. Bakit niya tinatanong sa akin 'to? Nakaramdam ako ng hiya. Noong una ko namang sinabi sa kanya ay hindi ako nakaramdam ng hiya. Bakit ngayong binuksan niya ang usapang ito ay saka na ako nakaramdam ng hiya?
"Bakit mo naitanong?" nakayuko kong tanong.
"Curious lang. Hindi pa rin kasi ako makapaniwala na gusto mo rin ako," kinikilig siyang ngumiti saka lumingon sa akin.
Napatitig ako sa ka
