Kabanata 25
Nasa Peligro
Bumaha ang inumin sa yacht cruise. Ang inaasahan kong bilang ng tao sa cruise na ito ay hindi lalampas sa dose ngunit nang sumampa kami sa yate ay nagulat ako na lampas beinte ang narito. Pang-beinte tres kay Arielle at pang-beinte kuwatro sa akin maliban pa sa yacht crew at kapitan.
Nangyari iyon dahil may dala-dalang mga babae ang ilang kaibigan ni Harris. Hindi ko sure kung mga nobya ng mga ito ang mga isinama nilang mga babae pero baka mga kasintahan siguro dahil kanina pa panay ang halikan at kapaan ng mga ito.
Hinayaan ko na lang ang mga nasasaksihan kong ginagawa ng mga kasama ko. Hindi naman ako naeeskandalo sa mga pinaggagawa nila dahil sanay ako sa mga ganoong eksena nang magtrabaho ako sa Eclipse Nightclub. Atsaka kung ikukumpara sa mga pinaggagawa n
