"What are we doing here?" tarantang tanong ni Sophie kay Rob nang huminto sila sa tapat ng police station.
"They need your statement. I know you know it's quite inevitable," ani Rob bago tuluyang pinatay ang makina ng pick-up nito. "Kagabi ka pa nila gustong kuhanan ng statement, pinigil ko lang."
Hindi siya agad nakasagot bago wala sa sariling umayos sa pagkakaupo sa passenger's seat. Paulit-ulit kasi na nagre-replay sa isip niya ang mga nangyari kagabi. Ang kaba, ang kilabot, ang masakit na pagbaon ng patalim sa braso niya. Wala sa sarili siyang napahawak sa nasugatan niyang braso. Makirot pa iyon, sariwa pa.
Marahas siyang umiling at pilit na hinamig ang sarili.
Makikita niya kaya ang killer niya?
"Hey," pukaw sa kanya ni Rob bago inabot ang kamay niya. "I'm with you. You don't ne
