Malakas na tunog ng cellphone ang nagpagising kay Sophie kinabukasan. Pikit-mata niyang tinatanggal ang mabigat na bagay na nakadagan sa baywang niya. Nang hindi niya iyon matanggal, kinapa na lang niya sa side table ang cellphone niya at sinagot ang tawag.
"H-hello?"
"Princess? Are you just waking up? Tanghali na a," anang Daddy niya sa kabilang linya. Agad siyang nahimasmasan at napamulagat. "Anyway, pauwi na kami ng Tita Lucy mo. Nandito na kami sa airport," dugtong pa nito sa masiglang boses.
Oh my God! Ngayon ang uwi ng mga magulang niya!
"D-Dad!" Taranta siyang bumalikwas ng bangon bago hinila ang kumot hanggang sa dibdib niya.
"O, bakit parang gulat na gulat ka?"
"H-hindi po, Dad. Ano... e-excited ako. I can't wait to see you and Tita Lucy," aniya sa pinasiglang tinig bago ngu
