Dire-diretsong umakyat ng hagdan si Sophie nang marating niya ang resthouse. Hindi na nga niya napansin pagsalubong sa kanya nina Tito Ben at Tita Mae. Iyak na iyak na siya at hindi niya alam kung gaano pa katagal niyang kayang pigilin ang mga luha niya.
Nirespeto naman ng mag-asawa ang pananahimik niya at hindi na siya sinundan pa. Papasok na sana siya sa tinutuluyan niyang kuwarto nang magsalita si Rachel mula sa dulo ng pasilyo.
"Saan kayo galing ni Rob?" anito habang marahang naglalakad palapit sa kanya. Matalas ang mga mata nitong nakatingin sa kanya.
Napakurap siya, bahagyang umurong ang dila. Hindi siya agad nakasagot dahil kinakain siya ng kunsensiya niya. Technically, she's considered a third party— like a good for nothing mistress who almost gave herself willingly to a man who
