Akhira's Pov
Ilang oras ang lumipas na nanatili lamang kami ni Mayu sa loob ng aking kwarto. Kahit papaano ay gumagaan ang pakiramdam ko dahil alam kong may taong nanatili sa tabi ko sa oras na iyon. Subrang apektado ang aking sistema sa biglang paglaho ni Adrian. At kahit hindi ko man masabi ay talagang kailangan ko ng makakasama sa puntong iyon.
"Akhi, baba na tayo. Tanghali na oh, wala pang laman ang tiyan mo. Baka naman magkasakit ka sa ginagawa mong iyan," kapagkuwan ay biglang sabi ni Mayu. Tila ba hindi na siya nakatiis pa at nagsalita na. Hinayaan niya ako na walang imik kanina ngunit sa puntong iyon ay hindi na. Ubos na ang kanyang pasensiya.
"Mauna ka na. Hindi pa ako nagugutom," wala sa sariling sagot ko habang nakatitig pa rin sa kisame. Narinig ko ang marahas niyang
