Akhira's Pov
Kahit ubos ko nang inumin ang aking chocolate milk ay nanatili pa rin akong naka-upo. Malalim na nag-iisip habang nangalumbaba. Nagsisimula nang maghari ang kadiliman sa labas ng bahay pero wala pa rin akong naisip kung paano mabibigyan ng katarungan ang aking gustong maganap. Hanggang sa mga sandaling iyon kasi ay naririnig ko pa rin ang boses ng mga bodyguard sa labas. Nagtatawanan ang mga ito at naririnig ko iyon dahil bukas pa ang pintuan na linabasan ni Adrian.
Para simulan ang aking binabalak ay tumayo ako at hinugasan ang basong ginamit. Pagkatapos ay saka naman ako lumabas at agad na nagtungo sa kwarto nila Manang Beng at Nada. Mistulang magnanakaw, ang bawat kilos ko ay sinisigurado ko na tahimik at malinis. Hindi gumagawa ng ingay sa takot na maagaw ang k
