Patuloy na nagharutan ang tatlong magkakapatid. Ang akala ni Freya ay wala ng katapusan ang panghaharot sa kanya ng dalawang nakakatandang kapatid. Natigil lang iyon nang bumalik ang kanilang ama na bagong ligo na. May itinatago sa likuran niya.
"D-Dad.." sambit ni Froylan nang tumikhim ito nang paulit-ulit.
Nakangiting lumapit pa si Amorsolo sa pintuan ng terasa. Nananatiling nakalagay sa likod ang kanyang dalawang kamay. Nakaligo na ito base sa kanyang basa pang buhok.
"Anong ginagawa niyo sa bunso niyong kapatid?"
"Ano pa nga ba Amorsolo" si Felia, "Ayan nagkakatuwaan."
Mabilis na bumangon sa pagkakalugmok sa sahig si Freya, pinagpagan niya ang buhok.
"Papa, inaaway ako ng dalawang iyan." parang batang sumbong niya sa ama.
Malakas na tumawa ang lalaki sa pagsusumbong ng bunso niy
