Chapter Fifteen
KIEL
HANGGANG sa matapos kaming magluto ay hindi nila kami tinantanan sa panunukso. Tumigil lang sila nang magsiuwian kaming mga lalaki para maligo. Pagkatapos kong maligo ay nagpunta muna ako sa water station para tawagin si Patrick na pumunta kina Pareng Macky.
"Naks! Poging pogi, fresh na fresh! Siguro nandoon si Ma'am Savanah," salubong niya sa akin at inamoy pa ako nang makalapit ako sa kanya.
"Tigilan mo nga ako. Magsara na muna tayo, magmeryenda ka na muna doon kila Pareng Macky bago ka umuwi mamaya," wika ko sa kanya.
"Sakto! Hindi pa ako nagmeryenda," aniya sabay hawak sa kanyang tiyan.
NANG makapagsara kami ng water station ay nagtungo na kami kina Pareng Macky. Kami na lang ni Amir ang wala sa grupo at ang mga bata ay nandoon na rin. Nakapag ayos na ng mesa
