Lanie's Pov:
Tahimik na pinagmamasdan ko ang kapaligirang nasa labas ng sasakyan.
Mula nang dumating kami sa port ng Syudad ng Vienna kaninang madaling araw ay hindi man lang ako nakaidlip. Nanatili akong gising hanggang ngayon na nakapasok na kami sa bayan ng Hespheria.
Inabot na kami ng hapon at ngayon pa lang kami nakarating sa bayang matagal ko nang kinalimutan.
"Are you alright?" Jackques asked.
"Yeah," hindi lumilingong sagot ko.
Nag-renta kami ng sasakyan sa pier at mula pa kaninang madaling araw nagmamaneho si Jackques. Ilang beses ko na s'yang tinangkang palitan pero ayaw naman n'ya. Nakakapagpahinga naman s'ya sa ilang rest stop pero sobramg layo din ng byahe naman kaya nasisiguro kong pagod na s'ya.
Ibinaba ko ang bintana sa gilid ko. Kaagad na sinalubong ako ng hangin
