Lanie's Pov:
Ang alam ko ay dumiretso na ako sa silid ko para magpahinga na pero sa iba na akong lugar nagising. Iba na din ang paligid ko at nandito ako sa lugar na hindi pamilyar sa akin.
Kinusot ko pa ang mga mata ko para alamin kung namamalikmata nga lang ba ako o hindi.
Nakailang kusot na ako sa mata ko nang mapagtantong nasa isang tila paraiso ako. Nasa gitna ako ng tila kapatagan at maberde ang buong lugar. Napapaligiran ng mga halamang may iba't-ibang bulaklak at kahit ang mga paru-parong nagliliparan ay iba't-iba din ng kulay at laki.
Napatingin ako sa damuhang kinalalagyan ko. Malambot iyon kaya siguro ay nakatulog ako nang maayos. Maliwanag ang paligid ngunit hindi ako napapaso ng sikat ng araw. May isang mayabong na puno ng Acacia na tumatabing sa kinalalagyan ko.
Sa kaun
