Lanie's Pov:
"Mukhang okay ka naman na yata."
Natigil ang pag-inom ko sa kape ko at nilingon si Jackques.
"Kanina pa ako kumakatok pero hindi ka nagbubukas kaya pumasok na ako. Nagkakape ka lang pala, akala ko ay may kung ano ka nang pinagkakaabalahan," dagdag pa n'ya.
Hinayaan ko lang s'yang mahiga sa kama ko at ipinagpatuloy ang pagkakape.
"Balita ko ay kinalmot ka ng tigreng anak ni General Levi kahapon?"
Hinaplos ko ang pisngi ko. Hindi pa gaanong nawawala ang kalmot ni Gyra dahil kahapon lang naman iyon pero dahil sa binigay na gamot ni Dr. Austin ay hindi na iyon ganoon kahalata.
"Ini-expect ko nang magagalit s'ya," sabi ko na lang at muling humigop ng kape.
"Hindi din naging maganda ang pag-uusap nila ni General Levi. Ni ayaw s'yang harapin ng anak n'ya kaya mukhang malabo
