Lanie's Pov:
Sinuri ko ang hawak na baril. Ubos na ang laman ng magazine niyon. Muli akong lumabas ng booth at tinungo ang closed booth na naglalaman ng iba't-ibang uri ng baril.
"Another set?" tanong ng agent na nakabantay doon.
Tumango lang ako. Tumayo s'ya mula sa pagkakaupo at kumuha ng bagong baril. Nilagyan n'ya iyon ng bala at iniabot sa akin.
"Pang dalawampu't lima mo na iyan," sabi n'ya at naupo ulit. "Sigurado kang hindi ka pa napapagod? Kanina ka pa namamaril sa loob, hindi ka ba nangangalay?"
Tiningnan ko ang pangalan n'yang naka-engrave sa uniporme n'ya. R.S Montecillo.
"May limit ba sa oras ng pananatili dito?" I asked habang sinusuri ang baril.
Nagkibit lang s'ya ng balikat. "You're firing for hours. Hindi maganda sa muscle ng braso mo ang ginagawa mo."
Hindi na ako
