"CHEERS!" sigaw ng mga kaibigan at mga pinsan kong kasama sa wedding video photoshoot ko. Isang araw pa ang bago ganapin ang araw ng aming kasal. Lahat ng mga bisita namin na nakatira sa malayong lugar ay nasa hotel na ngayon. Kung saan sampung minuto ang biyahe bago makarating sa simbahan kung saan kami magpapakasal.
"In-straight kong ininom ang red wine pagkatapos ay sumayaw ako kasama ang mga abay ko. Hindi namin alintana ang pagod kahit maghapon kami nag-photoshoot.
Lumapit sa akin si Candy. Hawak-hawak niya ang wine glass niya.
"Beshie!" Naluluhang sabi niya. Niyakap niya ako ng mahigpit.
"Bakit ka umiiyak?" Nag-aalala ako para sa kanya dahil kagagaling lang niya sa sakit.
Tumingin siya sa akin at tumulo ang luha niya. "Tears of joy ito dahil sa wakas magpapakasal na ang conserva
