عشق ليان البارت السابع
1963 Words
عشق ليان
البارت السابع
بقلم / غاده سعيد
سابت ليان كل حاجة في ايديها وراحت مكتب فهد كانت خايفه وحساه عاوز يمشيها من الشغل ومكنتش عارفه هو عاوز ايه منها . . . . . . .
_ تعالي اتفضلي يا ليان اقعدي هنا . . . . . .
= خير يا استاذ فهد فيه حاجه ولا ايه . . . . ..
_ مالك قلقانه كده ليه يا ليان دنا حتي جايبلك خبر حلو . . . . .
= خبر حلو ليا انا ايه هو . . . . .
_ انتي هتشتغلي معانا هنا فالشركه . . . .
= منا شغاله معاكم . . . . .
_ مش قصدي انا اقصد انا عاوزك تشتغلي معانا هنا فوق فالمكاتب هيبقي ليكي مكتب لوحدك وتمسكي الحسابات هبقي مبيوط لو وافقتي وان شاء الله تكون فاتحه خير عليكي واكيد هنستفيد من خبراتك . . . . . .
= انا حاسه اني بحلم بجد انا هشتغل هنا معاكم انا عمري متوقعت ان حضرتك تعرض عليا حاجه زي دي انا قولت هتمشيني من الشغل . . . . . .
_ لا حقيقي انا منبهر بيكي من ساعه ما حسبتي المبلغ في ثانيه لوحدك انتي تستاهلي كل خير يا ليان . . . . . .
= اه بس حضرتك انا قلقانه انا مش شبه الناس الي فوق ولا زيهم انا كده هتحرج ولا شكلي ولا مستوايا زيهم . . .. . . . .
_ انتي هتبقي احسن منهم يا ليان و روزا هتتولي المهمه دي بس عاوزك تكوني عارفه ان المظهر الداخلي اهم من الخارجي بكتير . . . . . . .
= انا بجد مش مستوعبه الي حضرتك بتقوله بجد انا خايفه ومبسوطه في نفس الوقت . . . . . .
_ اتفضلي دا تليفونك هتخليه معاكي عشان هنحتاجه للشغل . . . .
= بس دا غالي اوي . . . . . .
_ مفيش حاجه تغلي عليكي يا ليان وكله في مصلحه الشغل . . . . .
فجأه الباب خبط وروزا دخلت . . . . . .
_ ازيك يا ليان انا كنت قلقانه عليكي من امبارح اوي من ساعه ما فهد قالي وانا خايفه عليكي . . . . . . .
= شكرا يا استاذة روزا حضرتك بجد من اطيب الناس الي عرفتهم هنا . . . .. . .
_ بلاش استاذه دي قوليلي يا روزا بس اعتبريني اختك . . . .
يلا ننزل نروح بقي نشتري شويه حاجات . . . . ..
روزا خدت ليان ونزلوا تحت وهما نازلين من الشركة قابلوا نانسي . . . . . .
_ علي فين كده يا روزا ومعاكي ليان كمان دانتوا بقيتوا صحاب اوي . . . . . .
= نازلين نجيب شوية طلبات لفهد وقالي اخد ليان معايا وايه المشكله لما نكون صحاب ليان تستاهل اتصاحب عليها . . . . .
_ طيب يا حبيبتي ربنا يهنيكم مع بعض وتبقوا بيست فريند . . . . . .
وسابتهم ومشيت . . . . .
_ انا قلقان اوي من استاذه نانسي واستاذ قاسم هيعملوا ايه لما يعرفوا. . . . . . .. .
= ولا تحطيهم في دماغك خالص هما مالهم دول يا دوب ليهم ربع الشركه بس وصاحبها الحقيقي فهد . . . . . .
_ انا مستغربة جدا منك يا روزا ازاي انتي متجوزه قاسم ومكمله معاه مع انه مش شبهك خالص . . . . . .
= بصي احنا عاجلا ام اجلا هنسيب بعض هو موضوع وقت بس مش اكتر . . . . . . .
يلا بقي عشان منتأخرش ورانا حاجات كتير نشتريها انا هخليكي واحده تانيه خالص هغير كل حاجه فيكي عشان تليقي بشركه الفهد . . . .. . .
خدتها وراحت افخم محل من البلد وبدأت تقيس الفساتين . . . .
_ واااو يا ليان انتي شكلك حلو اوي وجسمك متناسق انتي بالمنظر ده هتغطي عالشركه كلها دي نانسي لو شافتك كده هتموت . . . . . . .
= انا همشي كده ازاي دانا مش هعرف نفسي انا عمري ما لبست الهدوم الغاليه دي . . . . . .
اشتريتلها هدوم كتير جدا وجزم وشنط لحد بليل كانوا بيلفوا فالمولات . . . . .
اخر حاجه خدتها عالكوافير غيرتلها لون شعرها عملته بني كان لايق جدا علي بشرتها ولون عنيها هي نفسها معرفتش نفسها لما بصت فالمرايا . . . . . . . .
_ يا خبر ابيض يا روزا انتي حولتيني كده ازاي انا لو رحت ل امي بالمنظر ده هتشك فيا والله انتي لازم تيجي معايا البيت . . . . . .
= متقلقيش هاجي معاكي وهفهمها كل حاجه . . . .. .
خدتها وراحت عالبيت وخبطوا ومامتها فتحت ومعرفتهاش . . . .
_ اوؤمروا حضراتكم عاوزين مين . . . . . .
= ماما انا ليان انتي معرف*نيش حتي انا معرفتش نفسي . . . . .
_ ليان!!!!! ايه الي عملتيه فنفسك ده يا بت ومين الي عمل فيكي كده . .. . . . ..
= اعرفك يا ماما علي روزا قريبة استاذ فهد وهي هتفهمك علي كل حاجه تعالي اتفضلي يا روزا معلش البيت مش اد المقام .. . . . . .
_ بيتكم جميل يا ليان كفايه انك عايشه فيه . . . . . . .
ازيك يا طنط بصراحه ليان جالها وظيفه كويسه اوي فالشىكة عندنا هتمسك الحسابات لأن واضح انها شاطرة اوي في الحسابات وفهد انبهر بذكائها فانا خدتها جبتلها شوية حاجات عشان تبدأ الشغل من بكرة متقلقيش خالص بنتك طموحه وذكية وتستاهل كل خير . . . . . .
= والله يا بنتي كتر خيركم بس كتير اوي الحاجات دي ايه كمية الشنط الي داخلين بيها دي . . . . .
_ منا قولتلك يا طنط دي حاجات عشان خاطر ليان لازم تليق بشركه الفهد . . . . . . .
انا لازم امشي دلوقتي عشان اتأخرت اوي اشوفكم تاني تصبحوا علي خير . . . . . .
نزلت روزا وليان وصلتها لحد البيت . . . . . . .
_ بقي كده يا ليان اسيبك تشتغلي تعملي كده فنفسك من ورايا اوعي يا بت تكوني بتعملي حاجه غلط احنا ملناش حد غير ربنا . . . . . . . .
= انا يا ماما بعمل حاجه غلط عمري ما اغضب ربنا انا بجري علي لقمه عيشي واهو يا ستي اديني هشتغل بشهادتي مش ده الي كان نفسنا فيه هشتغل فالحسابات استاذ فهد وروزا ناس طيبيين اوي يا ماما غير قرايبهم خالص . . . . . .
مقولتليش بقي ايه رأيك في لون شعري . . . . .
_ معرفتكيش بقيتي حد تاني بس قمر يا بنتي والله . . . . . .
= دانتي الي قمر هو انا اجي حاجه في جمالك يلا حضريلنا حاجه ناكلها بقي . . . . . .
_ من عنيا . . . . .
فجأه الموبايل الي جابهولها فهد رن وهي ناسية ان معاها تليفون . . . . . .
_ ايه الصوت ده يا ليان . . . . .
= تصدقي نسيت دا استاذ فهد جابلي موبايل للشغل صحيح ونسيته خالص . . . . . .
_ وكمان موبايل هو استاذ فهد دا مهتم بيكي كده ليه . . . . .
= بس يا ماما هرد دا بيتصل . . . . .
_ الو ايوة يا استاذ فهد . . . . .
= ازيك يا ليان خلصتوا شوبينج وروحتي خلاص . . . .
_ اه وصلت من نص ساعه كده . .. . . .
= طيب انا بتطمن عليكي متتأخريش بكرة بقي . . . . .
_ حاضر يا استاذ فهد هاجي بدري عشان استلم الشغل الجديد واعرف بيتكلم عن ايه . . . . . . .
قفلت التليفون معاه ومامتها كانت قاعده سامعه المكالمه كلها . . . . .
_ شوفتي بقي يا ماما طلعت مش بكذب عليكي ولا حاجه سمعتي بنفسك اني اتعينت في شغل جديد انا كان صعبان عليا نفسي اوي وانا عماله انزلهم في طلبات واعمل شاي وقهوة بقي بعد الدراسه والتفوق اروح اشتغل بعمل شاي وقهوة هما مش احسن مني في حاجه انا اقدر ابقي احسن منهم بس هي الظروف . . . . . . .
= ربنا يوفقك يا ليان يارب ويفتحلك ابواب الرزق كلها انتي تستاهلي كل خير . . . . . ..
قعدوا يتعشوا وبعد كده ليان مسكت التليفون تتعلم عليه شوية كان فاضي مفيش عليه غير رقم فهد بس . . . . .
ونامت وصحيت الصبح بدري جهزت نفسها ولبست فستان لونه ابيض قصير وشنطه وجزمه ونضارة بصت لنفسها فالمرايا معرفتش نفسها خالص بقت احلي من اي واحده فالشركه وكانت عاوزه تعرف رد فعل فهد لما يشوفها . . . . .
تليفونها رن وفهد كان بيتصل . . . . .
_ صباح الخير يا استاذ فهد . . . . .
= صباح النور يا ليان جهزتي ولا لسه .. . . .
_ انا جاهزة وهنزل دلوقتي خلاص واجي عالشركه . . . . .
= في عربية بسواق هتلاقيها تحت بيتك عشان تجيبك للشغل مش معقول هتركبي مواصلات كده . . . . . .
_ تصدق عندك حق انا كنت عماله افكر هركب مواصلات ازاي كده . . . . . .
نزلت ليان تحت عشان تركب العربية وتروح عالشغل قابلت حمو فالمدخل . . . . . .
_ ايه دا انتي ليان . . . . .
= ايوة ليان هكون مين . . . . . .
_ ايه الي عملاه في نفسك ده دنا معرفتكيش اايه التغيير المفاجيء ده مين الي عمل فيكي كده فين ليان بتاعة زمان البريئه لحقتي تتغيري . . . . . .
= انا متغيرتش يا حمو انا استلمت شغل جديد وكان لازم اغير شوية في ستايل لبسي عشان هشتغل في شركه كبيرة وسع بقي لو سمحت عشان السواق مستنيني وهتأخر كده . . . . .
نزلت ليان وركبت عربية فخمة والسواق نزل فتحلها الباب . . . .
وحمو كان واقف بيراقف الموقف وهو مزهول وبيسأل نفسه هي فين ليان بتاعه زمان اتغيرت خالص . . . . . .. .
وصلت ليان عند الشركة وشكلها كان متغير تماما مستحيل حد يعرفها دخلت من عالباب وعم علي وقفها . . . . .
_ اؤمري يا استاذه حضرتك جايه لحد هنا . . .. .. .
= انا جايه الشغل . . . . .
وخلعت النضارة . . . .
انت معرف*نيش يا عم علي انا ليان وجاية استلم الشغل الجديد . . . . .
_ بجد انتي تستاهلي كل خير يا بنتي والله وابوكي كان راجل طيب بس خلي بالك من الناس الي فوق دي احنا غلابه ومش قدهم ولا زيهم . . . . . . .
= متخافش عليا يا عم علي انا هتقي الله في شغلي وعمري ما هتغير انا ليان بنت الراجل الغلبان انا منستش نفسي . . . . . .
_ مش القصد يا بنتي انا بس خايف عليكي لما يعرفوا انك اشتغلتي فوق انتي طبعا عارفه انا اقصد مين . . . . . . . .
= متقلقش ياعم علي انا مليش دعوة بحد انا جايه اشتغل واكل عيش مليش دعوة ب اي حاجه تانيه . . . . . .
_ ربنا يوفقك يا بنتي ويوقفلك ولاد الحلال يارب . . . . .
= احسن دعوة عالصبح كده . . . . . . .
فجأه روزا جت عالشركه . . . .
_ صباح الخير يا عم علي صباح الخير يا لولو انا صحيت مخصوص عشان اجي اشوف القمر ده ورد فعل نانسي بالذات لما تشوفك اكيد هيجرالها حاجه او هيجلها جلطه . . . . . .
= هههههه مش اوي كده . . . . . .
_ لا ده اكتر بكتير انتي متعرفيهاش اي حد فهد تحس انه مهتم بيه بتبقي عاوزه تقتله امال لو شافتك كده بقي هيحصلها اي . . . .
تعالي نطلع فوق بسرعه قبل ما حد يجي عاوزين نفاجئهم بيكي . . . . . .
يتبع
كتابات ل ghada saeed
- Writer
