Nasamid si Ivan sa pag-inom nang marinig ang sinabi ko. Buong pagkadisgusto niyang ibinaba ang baso na hawak, nagsisisi dahil huli na at nasaid niya na ang laman no'ng tubig. Kung tama ang hula ko na cholera nga ang dahilan ng outbreak dito ay maaring magkasakit din ang ibang mga volunteer na nakainom ng tubig ng Savan.
"Cholera? I assume you have something in mind for you to come to that conclusion, Calixta," saad ni Adriel. Nagpunas siya ng tissue napkin sa bibig tanda na tapos na siyang kumain. Napakaseryoso niya ngayon hindi niya man lang na-enjoy ang mga putaheng hinain para sa'min.
"Yung bacteria na nakukuha sa cholera kapag dumikit sa walls ng small intestine natin ay nagko-cause ng sobra-sobrang paglalabas ng body fluids, hence, the villagers suffering from diarrhea," sagot ko.
