SLOWLY, Anna opened her eyes just to welcome a white ceiling in her sight. Ilang segundo siyang nakatitig roon na tila hindi maiproseso ng utak niya ang nakikita. Kailanman ay hindi pa siya nakakakit ang ganitong kalinis na bagay. Huminga siya ng malalim at tila nanumbalik sa wakas ang katinuan niya nang masamyo niyang tila ang linis at ang luwag sa pakiramdam ng hangin na nalanghap niya.
Napabalikwas siya ng bangon at mabilis na luminga-linga sa paligid na pawang natataranta.
“N-Nasaan ako?” Iyon ang lumabas sa bibig niya kahit na wala naman siyang nahagilap na ibang tao sa paligid. Kaagad na sumikdo ang dibdib niya sa takot at pangamba nang mapansin niyang tila nasa isang silid nanaman siya pero ibang-iba ito doon sa silid na pinanggalingan niya at nagsilbing kulungan niya sa ilang t
