HINDI umimik si Anna habang nanatili pa rin siya sa kinauupuan niya. Hindi na siya nakatingin ngayon sa babaeng kapatid raw ni Cai na naiwan kasama niya. Hindi niya maintindihan ngunit mukhang pinapabantayan siya ni Cai rito. Ramdam niya ang matalim nitong tingin ngunit ang hindi niya maalis sa isipan ay iyong babaeng kasama nito kanina.
Tanda niya pa ang itsura nito... iyong ‘yung babaeng pumatay kay Marjorie.
Kapatid sila ni Cai...
Bampira rin sila...
Nakababa lang ang tingin ni Anna sa sahigan na tila nakatulala roon nang marinig niya ang pagbuntong-hininga ng babae mula sa likuran niya at mapasulyap siya rito.
“What a mess.” Dinig niyang bulong ng babae nang maglakad ito papalapit sakaniya ay matalim pa rin ang iginagawad nitong tingin, magkatinginan sila nito nang mapalunok
