BUONG AKALA ni Anna ay magtatagal pang makabalik si Cai. Nagpalipas siya ng oras habang naglilibot-libot sa malaking mansyon, pero hindi niya nagawang makapag-libot sa may ikalawang palapag dahil masyadong malawak iyon. Sa unang palapag lang siya kung saan kahit ilang beses na niyang nadaanan ang kusina ay nandoon pa rin si Marcus pero mabuti nalang at tumigil na ito sa pag-inom ng choco-milk drink.
Narinig niya lang rito na nakabalik na si Cai nang huli niya itong daanan kaya’t dali-dali siyang tumungo sa may living room para salubungin ito pero natigilan siya nang makita nakasarado naman ang malaking double-door na pintuan kaya napalinga-linga siya sa paligid na malawak na living room nang bigla niyang maramdaman ang isang presensiya sa likod niya.
“I’m here.” Nahigit niya ang hining
