NAKATULALA lang si Anna habang nakaupo sa kama nito. Pinipilit pa rin niyang isipin ang nangyari kagabi. Bigla nalang kasi siyang nawalan ng malay at paggising niya ay wala naman nangyaring masama sakaniya. Hindi niya tuloy alam kung matatakot ba siya do’n sa lalaki o hindi. Lalo na kapag naalala niya ang ginawa nito.
Wala sa sariling napahaplos siya sa mga labi nang inaalala ang paghalik na ginawa nito sakaniya. Ramdam niya ang pagsikdo ng dibdib niya at ang pag-iinit ng pisngi niya.
Hindi ba’t sa mga mag-asawa lang ang naghahalikan, o kaya naman ay mga magkasintahan? Iyon ang naalala niyang turo sakaniya ng Lola niya at bawal raw iyon sa mga bata.
Parang gulat siya sa napagtanto. Masama ang ginawa nito sakaniya— pero hindi na ako bata.
Muling napahinga ng malalim si Anna at pinili
