Akala ba ni Mr. Ordom siya lang marunong magnakaw, aba! Kaya ko rin kaya! Ang dami ko na rin kayang ninakaw na pera, ngunit lahat ng 'yon ay hindi napunta sa akin dahil nasa isang foundation lahat 'yon. Saka ang perang kinukuha ko sa mga sindikato ay alam kong ninakaw rin nila.
At nakakatiyak ako na magwawala sa galit si Mr. Ordom oras na malaman nitong nawawala ang perang ninakaw rin naman niya. Ngumiti pa ako ng wala sa oras. Hanggang sa
mabilis akong naghanap ng puwede kong paglagyan ng pera.
Dahil kailangan ko itong makuha lahat.
Agad naman akong nakakita ng dalawang bag. Dali-dali ko itong kinuha at dito ko talaga inilagay ang pera. Hindi ko alam kung magkano ang perang ito. Ngunit saktong-sakto sa dalawang bag. Tamang-tama ito sa mga tao na nakatira sa tabing dagat. Ngayon pa la
