(BOYET WASEM POV)
MARIIN KONG IKINUYOM ang aking mga kamao. Galit na galit ako sapagkat nalaman kong may gulong nangyari sa palengke. Tumingin ako sa nagbalita sa akin na isa sa mga tauhan ko.
“Kilala ba ninyo kung sino ang nanggulo sa palengke?!” Galit na tanong ko sa aking tauhan. Nanlalaki rin ang aking mga mata.
“Heto po bossing may picture ako. Nakunan ko siya habang nakikipaglaban sa mga kasamahan ko. Kung tama ang aking hula ay isang magtitinda lang din ang babaeng 'yan. Tapos babae pa siya," tuloy-tuloy na litanya ng tauhan ko.
Agad kong tinitigan ang picture ng babae. Hindi ko ito kilala. Sino ang hayop na ito? Hanggang sa napatingin ako sa pinto na aking rest house. Dali-daling pumasok dito sa loob ang isang tauhan ko. At isa lang ito sa mga inutos ko na patayin si Waxwell M
