Parang gusto kong pumatay ng tao ng mga oras na ito. Ang nakakainis pa'y itinapat pa nito ang tubig sa aking mukha, habang may mala-demonyong pagngisi ang nakapaskil sa labi nito. Tuwang-tuwa ito sa ginagawa niya sa akin. Ako naman ay parang maiiyak sa galit ko sa lalaking hambog.
Hanggang sa mabilis kong kinuha ang suot kong sapatos at basta na lang ibinato sa lalaki. Kaya lang mabilis itong umalis sa kanyang pwesto at iniwan ang hose na panay ang tulo ng tubig. Alam kong tuwang-tuwa ang hambog dahil nakaganti siya sa akin. Ngunit babawi rin ako. Maghintay lamang ito sa malupit na ganti ko.
“Ma'am Maxelyn, ano’ng nangyari sa inyo?” bulalas ng kasambahay nang makita ang ayos namin ni Lasero. Inalis na rin nito ang hose at tuluyang nawala ang tubig. Agad ko namang sinabi rito na ayos lama
