Lalo namang dumilim ang mukha ng lalaki. Parang hindi yata nito nagustuhan ang aking sagot. Umiwas na lamang ako ng tingin dito. Muling pinagpatuloy naman ni Hambog ang paggamot sa aking sugat.
Wala na akong narinig na salita mula sa lalaki. Parang biglang napaso ito nang bitawan ang aking noo. Nagmamadali rin itong lumabas ng kotse. Kinuha ko na lang ang unan na aking nakita at basta na lang akong nahiga rito sa upuan kahit nakabaluktot ang aking paa ay ayos lang. Matutulog muna ako. Mayamaya lang ay agad na akong binalot ng madilim.
Nagising lang ako mula sa malalim kong pagkakatulog nang marinig ko ang pagsara ng pinto. Agad kong iminulat ang aking mga mata at napagtanto ko na nandito na ako sa aking kwarto.
Bigla kong tinakpan ang aking bibig nang maisip kong binuhat ba talaga ak
