Ngunit nagulat ako nang bigla itong magmulat ng mga mata. Nagkasalubong tuloy ang tingin namin. Pero mayamaya lang ay muli na nitong ipinikit ang mga mata niya.
Mukhang tuluyan na nga itong nakatulog. Lumabas muna ako ng kwarto nito upang tawagan ang mga tauhan niya para buhatin ang lalaki papunta sa kama.
Mayamaya pa’y agad na ngang pinagtulungan si Hambog ng mga tauhan niya. Inalis ko lang ang sapatos nito. Bumalik na rin ako sa aking silid. Ayaw kong magtigil sa kwarto ng hambog na ito. Masabihin pa ako na ginahasa ko siya.
Pagdating sa aking silid ay agad na rin akong nakatulog. Saka masarap matulog ngayon dahil malakas ang ulan sa labas ng bahay.
Nang magising ako kinabukasan ay sobrang lakas pa rin ng ulan. Napag-alam kong may bago pala. Ngunit kailangan ko nang bumalik sa bah
