[ASHLEIGH’S P.O.V.]
Ramdam na ramdam ko ang galit na nararamdaman ni Mello ngayon para sa akin. Tama ‘yan, magalit lang siya. Mas nakakatuwa na makita na nagagalit siya dahil sa nagawa ko. Bakit? Ayaw ba niya na masira ang kaniyang pangalan? O baka naman ayaw niyang masira ang reputasyon ng kaniyang pamilya? Umiingay na ngayon ang balita tungkol sa Silvestri, lalo na at anak siya ng kilalang pamilya. Hindi lang sa loob ng Elysian kalat ang balita, pati na rin sa labas ng isla. Sinigurado ko rin na makakarating sa ibang bansa ang balita na ‘yon. Para naman malaman ng mga kamag-anak at mga magulang ni Mello ang kagaguhan niya.
“Hindi ka ba masaya sa ganti ko sa ‘yo? Hindi ba dapat ay natutuwa ka dahil may kumakalaban na sa ‘yo?” bulong ko pa sa kaniya. Ang mga guwardiya naman ng Alston U
